भारत देस का राजस्थान राज्य में लंकव पाल्डे चार जिला उदयपुर, चित्तोड़गढ़, राजसमन्द अन भीलवाड़ा हे ज्यो मेवाड़ केवावे हे। मेवाड़ 74° अन 75.5° पुर्व देशान्तर अन 24° व 26°उत्तरी रेखान्तर के बच में हे। मेवाड़ में हमी जगा अन मंगरा का ईलाका भी हे। यो आकोई ईलाको अरावली पर्वतमालाऊँ राजस्थान का थार का मरुस्थलऊँ बाट दिदो जावे।
अटा का लोगाँ ने आपणी खेती-बाड़ी का वाते बरका के भरोस्ये रेणो पड़े हे। अटा का लोग खास करन गऊँ, मक्की, हरूँ अन दाळ की खेती करे हे। खेती-बाड़ी बरका अन कुड़ा-बावड़ी का पाणीऊँ वेवे हे। ईं परदेस में पाणी की घणी कमी हे।
अस्यान देक्यो जावे तो यो एक हुको परदेस हे। ठंड को टेम दिसम्बरऊँ फरवरी तईं रेवे हे, ईंका केड़े ऊनाळो सरुँ वे जावे हे, ज्यो जून का आदा मीना तईं रेवे हे। आदा जुनऊँ आदा अक्टूम्बर तईं मानसुन को मोसम रेवे हे। मानसुन का केड़े आदा सितबरऊँ नवम्बर तईं को टेम मानसुनऊँ ठंड आबा को मोसम वेवे हे।
